
遍知贝玛嘎波大师教言集PK16རྗེ་བཙུན་མཐུ་སྟོབས་ཞབས་ཀྱི་རྣམ་པར་ཐར་པ་ངོ་མཚར་གྱི་རྨ་བྱ་རྣམ་པར་རྩེ་བ་ཞེས་བྱ་བ།
3-216
༄༅། །རྗེ་བཙུན་མཐུ་སྟོབས་ཞབས་ཀྱི་རྣམ་པར་ཐར་པ་ངོ་མཚར་གྱི་རྨ་བྱ་རྣམ་པར་རྩེ་བ་ཞེས་བྱ་བ།
༄༅། །རྗེ་བཙུན་མཐུ་སྟོབས་ཞབས་ཀྱི་རྣམ་པར་ཐར་པ་ངོ་མཚར་གྱི་རྨ་བྱ་རྣམ་པར་རྩེ་བ་ཞེས་བྱ་བ་བཞུགས་སོ། ། བླ་མ་རིན་པོ་ཆེ་ལ་ཕྱག་འཚལ་ལོ། །མགྲིན་སྔོན་རལ་པའི་ཐལ་བ་སྣུམ་པོས་སེན་མོར་སྐྱེས་པ་ཡི། བ་སྤུ་ཉེར་མཆོད་རྡོ་རྗེ་འཆང་བ་ཀུན་གྱི་རྗེ་བོ་ནི། རྒྱལ་བ་ཀུན་གྱི་ཞལ་གྱི་པདྨོ་ལ་ཆགས་གསུང་གི་སྦྲང་། མ་ལུས་སྡུད་པ་བུང་བར་མཚུངས་དེས་སྤྲུལ་པའི་སྐུ། ཡོན་ཏན་རྒྱ་ཆེའི་གཤོག་རླབས་བསྐྱོད་པ་ལས་སྐྱེས་ཐུགས་རྗེའི་འཐོར་རླུང་གིས། 
3-217
སྲིད་པའི་རི་བོ་དུམ་བུར་འཐོར་ཞིང་ཡེ་ཤེས་སྦར་ཁྱིམ་ལ་ཆགས་པའི། མཐུ་སྟོབས་སྡེར་མོ་རྣོན་པོ་བཏབ་པས་བགེགས་ཀྱི་ལྟོ་འཕྱེ་མཐར་བྱེད་པ། དད་པའི་ཆུ་ངོགས་རོལ་མཛད་བླ་མ་མཁའ་འགྲོའི་དབང་དེར་ཕྱག་འཚལ་ལོ། །གང་ཡང་སྙིགས་དུས་ཉི་མ་ཡིས། ཀུན་རྨོངས་བྱས་པ་ཞི་བགྱིད་པ། དམ་པའི་མཛད་པ་འདི་འདྲ་བ། སྒྲ་དབྱངས་སྒྲོགས་པའི་སྤྲིན་གྱིའང་མིན། དད་པའི་སྤྲིན་རུམ་གྱིས་བསྒྲགས་པའི། རྟོགས་བརྗོད་དབྱར་སྐྱེས་རྔ་སྒྲ་ཡིས། སྐལ་བཟང་རྨ་བྱ་གཞོན་ནུའི་སྙིང་། ཀུན་དགའི་བཏུང་བས་མྱོས་པར་བྱ། ། དེ་ཡང་རོ་ལྡན་གྱི་གནས་ཀྱི་གསང་བ་པའི་ཚོགས་ཀྱི་གཙོ་བོ་བཅོམ་ལྡན་འདས་ཕྱག་ན་རྡོ་རྗེ་བསྣམས་པ་དེས་འཇིག་རྟེན་ཐམས་ཅད་ལ་ཐུགས་རྗེར་མཛད་པའི་སྒྱུ་མ་ལས་སྤྲུལ་པའི་གཏམ་ཉན་པར་འོས་པ་འདི་ལྟ་བུ་ཐོས་ཏེ། ནོར་ཅན་གྱིས་གང་བས་སློང་བའི་སྐྱེ་བོ་རྣམས་རྙེད་པ་དང་ལྡན་པས་བདེ་བར་རྒྱུ་བ། གླུ་དང་བྲོ་དང་སྒྱུ་རྩལ་དག་གི་འབྱུང་ཁུངས་འདོད་པ་དང་ལྡན་པའི་ཡིད་ངལ་བསོ་བའི་གནས་སུ་གྱུར་པ། ཤར་དྭགས་པོའི་ལྗོངས་ཀྱི་བཟའ་ཤིང་གི་རབས་ཉམས་དགའ་བར་བྱས་པའི་གྲོང་ཁྱེར་རམ་བྱེ་སྙི་ཞེས་བྱ་བར་རིགས་དང་ལྡན་པའི་ཁྱིམ་བདག་མོ་ཞིག་གི་ལྷུམས་སུ་མཐིང་ཤུན་དྲི་མ་མེད་པའི་མདོག་ཏུ་སྣང་བའི་རྡོ་རྗེ་རྩེ་ལྔ་པ་འཇའ་འོད་ཀྱི་གུར་ཁྱིམ་དང་ལྡན་པ་ཞིག་ཞུགས་པར་རྨིས་པ་ལས་མངལ་བཟུང་བ་ཞེས་གྲག་ཅིང་། 
3-218
ཟླ་བ་རྫོགས་པ་ན་དགེ་མཚན་གྱི་སྣང་བ་དུ་མ་དང་ལྡན་པར་བཙས་པ་ཀུན་གྱི་ཡིད་ལ་ཤིན་ཏུ་གསིལ་བའི་བདུད་རྩི་སྟེར་བར་ནུས་པ་ཞིག་གོ། །རྫོགས་ལྡན་དྲི་བཞོན་གྱིས་བོས་པའི། སྐྱེ་བོའི་སྦྲང་རྩི་བྱེད་པ་རྣམས། རྩེ་དགས་རོལ་པ་དྭགས་པོའི་ལྗོངས། འདམ་རྫ་བ་མེད་པའི་འདམ་སྐྱེས་བཞིན། ནམ་ཞིག་དེ་ཡི་གྲོང་ཁྱེར་དུ། བསོད་ནམས་དྲི་བཟང་གིས་བཅུས་པའི། དགེ་མཚན་པདྨོ་བྱ་བ་ལས། ཀུན་དགའི་བཞིན་ལས་བྱིས་པ་བཙས། དེ་ཡང་། དགེ་བའི་རྩ་བ་རྒྱ་ཆེན་པོ་བསྐྲུན་པའི་ཐབས་དང་ལྡན་པས་ལས་སྣ་ཚོགས་པའི་ཚོན་གྱིས་མྱོང་བྱ་རི་མོར་བྲིས་པའི་འཁོར་བའི་གཟུགས་བརྙན་ཤིན་ཏུ་བཀྲ་བ་ལ་ཡིད་འབྱུང་ཞིང་། སེམས་ཅན་ཐམས་ཅད་ལ་རྒྱུ་མེད་པར་བྱམས་པའི་དབང་དུ་སོང་བས། དེ་དག་ལ་ཕན་པ་དོན་དུ་གཉེར་བའི་བསམ་པས་ཕ་མ་ལ་ཞེ་སར་བཅས་པའི་ཚིག་སྙན་ཞིང་འཇེབས་པས་གསོལ་ཏེ། བདེ་བར་གཤེགས་པའི་བསྟན་པ་ལ་མངོན་པར་དད་པས་ཁྱིམ་ལས་བྱུང་ནས། དྲང་སྲོང་སྨེ་བདུན་གྱི་སྐར་མ་རང་གི་འོད་གསེར་གྱི་དྲ་བས། གཡོགས་པ་ལྟ་བུར་རྒྱུ་ཞིང་སྦ་མོ་ཆོས་སྡིངས་ཀྱི་གཙུག་ལག་ཁང་ཞེས་བྱ་བར་ཕྱིན་ནས། སྨད་འབྲུག་གི་མཁན་པོ་ཡེ་ཤེས་དབང་ཕྱུག་གི་དྲུང་དུ་རབ་ཏུ་བྱུང་ཞིང་ཡོན་ཏན་ཡེ་ཤེས་ཞེས་མཚན་གསོལ། ཞི་བ་དང་དུལ་བའི་སྤྱོད་ལམ་དང་ལྡན་པར་གྱུར་ཏོ།

尊贵贝玛嘎波大师教言集PK16《尊者图多扎之传记：称为神奇孔雀之游戏》
3-216
《尊者图多扎之传记：称为神奇孔雀之游戏》
3-217
《尊者图多扎之传记：称为神奇孔雀之游戏》
至尊上师顶礼！蓝颈者（大自在天）发髻中滋润灰烬涂抹指甲，身毛祭供持金刚者，一切尊主，乃是诸佛面莲上贪恋言辞之蜜蜂，无余汇集如群蜂相同之化身。广大功德之羽翼震动而生之悲心狂风，摧毁轮回山成碎片，安住于智慧云间，锐利神力爪抓穿破障碍腹部彻底摧毁，嬉戏于信心之水岸边的上师空行之王，我向您顶礼！任何浊世的阳光，能驱除一切愚痴，此等圣者之行持，非仅是音声云之所能宣说。由信心云间所宣说的，证悟传记如雨季雷声，使具缘孔雀幼雏之心，以欢喜之饮料而陶醉。
此处，持密宝处众会之主尊，世尊手持金刚者，他悲悯一切世间的幻化所演之故事，值得聆听之事迹如下：财富丰盛之地，乞者能获得所需而安乐行走，歌舞技艺之源泉，欲求者心灵休憩之处，在东达波地区美丽茂盛果树装饰的城镇或名为冉尼之地，一位具种姓的主妇梦见无瑕深蓝色的五股金刚杵，被彩虹光之帐篷包围进入其胎中，据说因此而怀孕。
3-218
月份满足时，伴随诸多吉祥之相而诞生，能向众人心意中赐予极为清凉的甘露之人。
圆满时代香风所召唤，众生如蜜蜂般游戏，欢乐嬉戏于达波地区，如无泥泞污秽的莲花。某时于彼城镇中，福德芬芳所围绕，吉祥莲花之名中，欢喜容颜中诞生婴儿。
再者，由于具足广大善根培育之方便，以各种业力之彩绘所体验的图画绘制之轮回影像极其绚丽而心生厌离，无因而对一切众生起爱，以利益他们之意愿，向父母以恭敬伴随悦耳动听之言语祈请，因对如来教法生起胜解信心而出家。犹如七仙人星宿以自身金色光网笼罩般行走，前往巴莫曲丁寺院，于下龙地方座主耶喜旺秋尊前出家，取名为圆满智慧，具足寂静调柔之行仪。


 །
3-219
ཟས་གཙང་སྲས་ཀྱི་ཉི་མ་ཡིས། ཕྱེ་བའི་ལམ་ནི་ཟབ་མོ་ལ། དད་པའི་གོམ་པ་འདོར་བྱེད་པ། ལང་ཚོའི་ཟླ་བ་དེ་མཚུངས་སུ། གང་གི་བློ་གྲོས་དཔུང་པ་ན། བྱ་བའི་ཁུར་ཆེན་ཁྱེར་རོ་ཞེས། དེ་ཚེ་ནོར་འཛིན་མ་འདི་ཡང་། ངལ་བསོ་བསྐྲུན་པའི་སྟེགས་བུ་བཞིན། མཁན་པོ་དེ་ཉིད་དང་། རྗེ་བཙུན་དབང་ཕྱུག་རྒྱལ་མཚན་གཉིས་ཀྱི་དྲུང་དུ་ཡང་དག་པའི་ལམ་གདམ་ངག་ཏུ་གསན་ནས། ཐོས་པ་དོན་དུ་གཉེར་ནས་གཉལ་དྲེའུ་ལྷས་སུ་བྱོན། ཆེན་པོ་རྩེ་ཉག་པ་ལ་ཕ་རོལ་ཏུ་ཕྱིན་པ་དང་། གཞུང་སྤྲེ་ཞིང་དུ་རྡོག་རིན་པོ་ཆེ་བྱང་ཆུབ་དཔལ་གྲུབ་པ་ལ་མཧཱ་མཱ་ཡ་དང་། སྙེ་མོ་རུ་སྨོན་གྲུབ་ཆོས་སྡིངས་སུ་དུས་འཁོར་ཞབས་པ་ཤཱཀྱ་དབང་ཕྱུག་པ་རྡོ་རྗེ་དབྱིངས་ལ་སོགས་པའི་ཡོ་གེ་དང་། དུས་ཀྱི་འཁོར་ལོ། ། བསང་བ་འདུས་པ་རྣམས་ཀྱི་དབང་བསྐྱེད་རྫོགས། རྒྱུད་ཀྱི་བཤད་པ་དང་བཅས་པ་ལ་སློབ་གཉེར་མཐིལ་ཕྱིན་པ་མཛད། ཚིག་དོན་ཇི་ལྟ་བ་ཁོང་དུ་ཆུག་པ་དང་། འབེལ་བའི་གཏམ་གྱིས་གཏན་ལ་འབེབས་པ་ལ་མཁས་པའི་འདུན་ས་དག་ཏུ་སྨྲ་བའི་དབང་ཕྱུག་ཆེན་པོའི་གནས་ཐོབ་པར་གྱུར་ཏོ། །དེའི་དུས་ཤིག་ཏུ་སློབ་དཔོན་པདྨ་སམ་བྷ་ཝ་རབ་ཏུ་བྱུང་བ་མཛེས་སྡུག་གི་ཕུལ་དུ་བྱོན་པ་པད་ཞྭ་ཅན་དུ་སྤྲུལ་པ་དང་མངོན་སུམ་དུ་མཇལ་ཏེ། 
3-220
ཕྱག་མཚན་གྱི་ཀ་པཱ་ལ་བདུད་རྩིས་བཀུར་བ་ཞིག་གནང་བ་རྫོགས་པར་བཞེས་པས་དབང་པོ་འཇམ་པའི་དབྱངས་ཆོས་ཀྱི་གྲགས་པའི་སྙན་པ་གསན་ནས་མི་ཕྱེད་པའི་དད་པ་ཐོབ་པས། ཆོས་ཀྱི་རྒྱལ་པོའི་མདུན་ས་ཆེན་པོ་ཆོས་རྒྱལ་ལྷུན་པོ་ཞེས་བྱ་བར་མཛད་དུ་བྱོན། ཐུག་མ་ཡིད་གཅིག་ཏུ་འདྲེས་པར་གྱུར་ཏེ། དྲུང་དུ་བདེ་མཆོག་མཻ་ཏྲི་ལུགས་ཀྱི་ཆོས་སྐོར། རྩ་རྒྱུད་མར་ངོ་ལུགས་ཀྱི་བཤད་བཀའ། དགྱེས་རྡོར་རྔོག་ལུགས་རྒྱུད་གསུམ་མན་ངག་དང་བཅས་པས་སྣ་དྲངས་པའི་ཟབ་པ་དང་རྒྱ་ཆེ་བའི་ཆོས་སྡེ་མཐའ་ཡས་པ་གསན་ཞིང་། འབྲུག་པ་རིན་པོ་ཆེ་ངག་དབང་ཆོས་ཀྱི་རྒྱལ་པོའི་ཞབས་དང་། མཐུ་ཆེན་རྒྱལ་མཚན་ལྷུན་གྲུབ་ལ་སོགས་པའི་བླ་མ་མང་པོ་བསྟེན་ནས་གསང་སྔགས་གསར་རྙིང་གི་དབང་། རྒྱུད་མན་ངག་ཕལ་མོ་ཆེ་ཐོས་པར་མཛད་ཅིང་། ཆོས་འཁོར་ལྷུན་པོ་ཞེས་བྱ་བར་བསྙེན་པར་རྫོགས་པ་དགེ་སློང་གི་དངོས་པོར་བསྒྲུབ་པ་མཛད་ནས། བསླབ་པར་བྱ་བའི་གནས་ཕྲ་མོ་རྣམས་ལ་ཡང་མིག་གི་འབྲས་བུ་ལས་གཅེས་པར་གཟུང་བས་བཙུན་པའི་ཕ་རོལ་ཏུ་བྱོན་ཏེ། དགེ་སློང་རྡོ་རྗེ་འཛིན་པ་ཞེས་ལྗོངས་དེ་ན་ཉི་ཟླ་ལྟ་བུར་གྲགས་པ་ཡིན་ནོ། །གང་ཐུགས་སྡོམ་གསུམ་གྱིས་དཀར་བ། མཐོ་རིས་མཛེས་མའི་འོ་མ་ཡི། མཚོ་ཆེན་ལྦུ་བ་འཁྲིགས་པའི་འཛུམ། ཀུན་དགའ་ཟིལ་གྱིས་རྒོད་པ་བཞིན། 
3-221
རྒྱལ་བའི་ཆོས་ཚུལ་བདུད་རྩིའི་རྒྱུན། ཐོས་པའི་སྙིམ་པར་གསོལ་བ་ཡིས། ཡོན་ཏན་ཡེ་ཤེས་ཟླ་བ་བཞིན། ལེགས་བཤད་འོད་བརྒྱའི་འཕྲེང་བ་འཛིན། དེ་ནས་དཔལ་ལྷ་རྩེའི་སྔགས་ཀྱི་ཟུར་འཆད་མཛད། རེ་ཞིག་ནས་དུས་འཁོར་ཞབས་གཙང་དུ་ཐེགས་ནས་འཆད་ཉན་གྱི་གདན་ས་བཟུང་། ཡོངས་བསྒྲིལ་བློ་གསལ་གྱི་འདུས་པ་རྣམས་ལ་ལོ་བཅུ་བདུན་ཙམ་གྱི་བར་དུ་རྒྱུད་ཀྱི་བཤད་པ་དང་། བྲིས། གར་དབྱངས་ལ་སོགས་པའི་ཕྱག་ལེན་དང་། དེ་དག་གི་དོན་འབེལ་བའི་གཏམ་གྱིས་ཞིབ་མོ་ཞིབ་མོར་བསྙད་པས་གདུལ་བྱ་རྣམས་མཁས་པའི་གོ་འཕང་དུ་བཀྲི་བར་མཛད་པས་ཆོས་ཀྱི་གྲྭ་དེ་ཉིད་འོག་མིན་གྱི་ཞིང་ས་ལ་འཕོས་པ་ལྟ་བུར་གྱུར་པ་ཡིན་ནོ། །དེ་ནས་བཀྲ་ཤིས་མཐོང་སྨོན་ཞེས་བྱ་བའི་ཆོས་ཀྱི་སྡེ་བཏབ་ནས་ལོ་གཅིག་ཙམ་དུ་ཚུལ་དེ་ཉིད་ཀྱིས་འདའ་བར་མཛད་དོ།

3-219
净饭之子（佛陀）阳光，开启深奥之道路，以信心步伐而行走，如同青春之月，谁的智慧肩膀上，担负巨大事业重担，那时大地（女性）也如，创造休息之座椅般。
在堪布尊前和尊者旺秋坚赞二人面前，聆听真实道路口诀，为求闻法前往涅乌拉寺。向大者策涅巴学习波罗蜜多，在中央贝增地向多格仁波切强秋班智达学习大幻化，在涅莫门珠曲丁向时轮大师释迦旺秋学习金刚界等瑜伽和时轮、密集等灌顶生圆次第及经续解释，进行深入学习。将字义如实通达，并通过相关论述确立义理，在学者大会上获得大辩才自在之位。
有一次，亲见化现为莲花戴冠者的莲花生大师出家相，极为庄严美丽，
3-220
赐予一个盛满甘露的颅器作为标志，他完全接受后，听闻文殊语音法称的名声而获不可分离之信心。前往法王大朝廷称为法王须弥之处，心意一体相融。在其面前聆听胜乐弥勒传承法门、根本续玛瓦传承解释教授、喜金刚卓传承三续部及口诀等为首的深广无边法藏，并依止竹巴仁波切阿旺法王及大力坚赞伦珠等众多上师，听闻新旧密续灌顶、经续与口诀大部分内容。
在法轮须弥寺圆满受具足戒成为比丘，对细微学处视如眼珠珍爱，超越了僧侣之境界，成为比丘金刚持，如日月般闻名于该地区。
他心意以三律仪洁白，如同天界美女乳汁，大海泡沫凝聚之微笑，以欢喜光辉照耀般，
3-221
佛法甘露之流，以闻法饮器饮用，功德智慧如明月，持有百种善说光明串。
之后在拉萨宫殿角落教授密续。不久后，时轮大师前往藏地后，他接掌教学法座。对聚集的所有聪慧弟子们，约十七年间讲解续部、书法、舞蹈音乐等实修，并以相关论述详细解释其义理，引导所教化者们达到学者境界，使该法院如同迁转到色究竟刹土一般。之后建立名为扎西通门的佛法中心，以同样方式度过约一年。


 །རྡོ་རྗེ་ཐེག་པར་མཁས་པའི་རི། གང་གི་འདུན་སར་གཞན་གྱི་བློ། །ཕྱེ་མ་ལེབ་ཀྱི་གཤོག་རྩེ་ཡིས། རླུང་གི་འཕྲེང་བ་ཉེ་བར་མཚོན། ལུས་ཅན་གདུང་བའི་ཁྱད་པར་རྣམས། ཞི་བྱེད་ལེགས་བཤད་ག་བུར་རྒྱུན། གང་གི་ཞལ་གྱི་བུམ་བཟང་ནས། རྣ་བའི་སྙིམ་པར་འཇོ་བར་མཛད། དེ་ནས་ད་ནི་འདོད་པའི་དངོས་གྲུབ་ཆེན་པོ་བསྒྲུབ་པར་བྱའོ་སྙམ་དུ་དགོངས་ནས། འཆད་ཉན་གྱི་འདུན་ས་ལས་བྲོས་ཐབས་ཀྱིས་གཤེགས་ནས། རྡོ་རྗེ་སེམས་དཔའ་རང་བྱུང་གི་ལྷ་ཁང་གི་དྲུང་། 
3-222
ཙན་དན་གྱི་ནགས་ཁྲོད་དུ་སྤྱིལ་པོ་བཏབ་སྟེ། ལོ་བཞི་བཅུ་ཞེ་གཅིག་ཙམ་བཞུགས་པས་རྡོ་རྗེ་གླེང་པ་ཞེས་གྲགས། རང་བྱོན་དེ་ཉིད་རིན་པོ་ཆེའི་མཆོད་སྡོང་གི་དབུས་སུ་བཞུགས་པའང་འདིས་མཛད་ཅིང་། གཞན་ཡང་མོག་པའི་རི་ཁྲོད་ལ་སོགས་པར་ཐོག་རེ་གདན་ཆགས་པས་བཅོམ་ལྡན་འདས་དུས་ཀྱི་འཁོར་ལོ་དང་། འཁོར་ལོ་སྡོམ་པ་དང་། ཆེ་མཆོག་དང་། གུ་རུ་ཞི་དྲག་དང་། ནག་པོ་ཆེན་པོ་ཕྱག་བཞི་པ་དང་། ཞིང་སྐྱོང་སེང་གེའི་གདོང་པ་ཅན་ལ་སོགས་པའི་ཡི་དམ་དང་། ཆོས་སྐྱོང་མང་པོའི་བསྙེན་བསྒྲུབ་མཐར་ཕྱིན་མཛད། དཔལ་ལྡན་ལྷ་མོ་དུད་པའི་སོལ་བ་མ་ཅན་བྱོན་ནས་རྫོགས་མའི་རིམ་པ་ལ་སོགས་པ་མན་ངག་ཏུ་སྩལ་བ་དང་། ཁྱད་པར་རྡོ་རྗེ་རྣམ་པར་འཇོམས་པ་ལྷག་པའི་ལྷར་བསྟེན་ནས་བསྙེན་པས་བཅོམ་ལྡན་འདས་དེ་ཉིད་ཀྱིས་མངོན་སུམ་དུ་རྗེས་སུ་བཟུང་སྟེ་དབང་བསྐུར། གདམས་ངག་གནང་། ཁྱོད་ནི་ལས་ཀྱི་རྡོ་རྗེ་གསུམ་པ་ཡིན་ནོ་ཞེས་ལུང་བསྟན་པ་དང་། རྡོ་རྗེ་འཛིན་པའི་གོ་འཕང་དངོས་གྲུབ་ཏུ་སྩལ་ཞིང་། དེ་ནས་གཟའ་རཱ་ཧུལ་དང་། རྒྱལ་པོ་ཆེན་པོ་པོ་ཧ་ར་ལ་སོགས་པ་ལྷ་མ་སྲིན་དྲེགས་པའི་ཚོགས་ཐམས་ཅད་བྲན་དུ་འཁོལ་ཞིང་ཚོགས་ཀྱི་འཁོར་ལོ་ལ་སོགས་པའི་ཚེ་མི་མ་ཡིན་མངོན་སུམ་དུ་གཏོར་མ་ལེན་པ་དང་། གཏོར་མ་བར་སྣང་ལ་འཕར་བ་དང་། 
3-223
ཡུན་རིང་པོར་མི་བརྙིངས་པ་དང་། སྒྲུབ་པ་ཆེན་པོ་བཀའ་བརྒྱད་ལ་སོགས་པའི་དབང་གནང་བའི་ཚེ། མྱུལ་ལེམ་དག་གིས་སྐལ་བ་མེད་པ་ཚར་གཅོད་པ་དང་། གྲུབ་པའི་རྫས་ཡིད་ཆེས་པ་དངོས་སུ་ཐོགས་ཏེ་འོང་པ་དང་། དུས་གསུམ་མ་བསྒྲིབས་པ་ཨུ་རུར་ལག་མཐིལ་དུ་བཞག་པ་ལྟ་བུར་གཟིགས་པས་ལུང་བསྟན་པ་ཐམས་ཅད་ཐོག་ཏུ་འབབ་པ་དང་། ཁྱད་པར་མཚན་མ་མེད་པ་རྫོགས་པའི་རིམ་པ་ལ་ནན་ཏན་དུ་མཛད་པས་དཀར་དམར་གྱི་འཕོ་བདག་པའི་ཡེ་ཤེས་ཀྱི་སྐུ་བརྙེས་པའི་རྟགས། སྔར་དབུ་སྐྲ་ཞལ་ཚོགས་སྤྱན་སྨིན་ཐམས་ཅད་དཀར་པོར་ཡོད་པ་ནག་པོར་ལོག་པ་དང་། ཚེམས་སེའུ་མུ་ཏིག་གི་མདོག་དང་མཚུངས་པ་སྔར་གྱི་གྲངས་ཚང་བ་སླར་འཁྲུངས་པ་དང་། གཅི་བ་གུར་གུམ་གྱི་གེ་སར་ཞུ་བའི་རྒྱུན་ཉིད་དུ་འབྱུང་བ་སྦྲང་མ་སེར་པོ་ཐིབ་ཐིབ་འདུ་བ་དང་། བཤང་བ་སི་འི་གོང་བུ་སྟར་ཀའི་སྙིང་པོ་ཙམ་ལན་རེ་ལས་མི་འཛག་པ་དང་། གཟིམས་ཁང་ཐམས་ཅད་མེའི་སྤོས་ལས་འདས་པའི་དྲི་ཞིམ་པོས་རྒྱུན་དུ་ཁེངས་པ་དང་། གང་དུ་བཞུགས་ས་དེར་རྟག་ཏུ་ལྷ་རྫས་ཀྱི་མེ་ཏོག་གི་ཆར་འབབ་པ་རྣམས་ནི་ཀུན་ལ་མངོན་སུམ་དུ་སྣང་བ་ཡིན་ནོ། ། ཡོན་ཏན་རྒྱུ་ཚོགས་གྲངས་ཚང་ཡང་། སྒོམ་པའི་ཆུ་ཡིས་མ་བྲན་ན། སེམས་ཀྱི་ནོར་འཛིན་མ་འདི་ལས། 
3-224
བྱང་ཆུབ་མྱུ་གུ་འཁྲུངས་མ་ཡིན། དེ་ལྟར་བསམ་པའི་ཆུ་འཛིན་འཕྲེང་། བསམ་གཏན་ངང་པའི་འགྲོས་ཀྱིས་ནི། གྲུབ་པ་འབིགས་བྱེད་རི་བོ་ཡི། རྩེ་མོར་སོན་པ་ཉིད་དུ་གྱུར། དེ་ནས་ལྔ་རིག་པའི་པཎྜི་ཏ་ཆེན་པོ་བཀྲ་ཤིས་རྣམ་པར་རྒྱལ་བ་དང་། གྲུབ་པ་ཐོབ་པའི་དབང་པོ་བླ་མ་དམ་པ་སྒྱུ་མའི་གར་མཁན་གཉིས་དང་། མིའི་དབང་པོ་བསྟན་འཛིན་ནོར་བུ་དང་། མཚོ་སྐྱེས་རྡོ་རྗེ་མཆེད་བཙུན་མོ།

3-222
金刚乘精通之山，何人讲坛前他人心，如蝴蝶翅尖，风的串珠近相示。众生特殊痛苦，能息善说冰片流，从其面庄严宝瓶，向耳饮器中倾注。
之后，想着"现在应当成就大欲求悉地"，巧妙离开教学讲坛，前往金刚萨埵自生佛殿附近，在檀香树林中搭建茅棚，住了约四十一年，因此被称为"金刚演说者"。他将那尊自生尊像安置在珍宝供灯柱中央，此外还曾短暂住锡莫噶山林等处，完成圆满修持世尊时轮、胜乐轮、大胜乐、宁静忿怒上师、四臂大黑天、狮面护法等许多本尊及护法。吉祥天母灰烬女亲自降临并赐予圆满次第等口诀。特别是他依金刚摧破尊为本尊修持，世尊亲自现前摄受、赐灌顶、授教言，并授记说："你是第三业金刚"，赐予金刚持果位成就。
之后，罗睺星和大王波诃罗等一切天魔傲慢众成为仆从，在荟供轮等时，非人众亲自领取食子，食子在空中飞舞，
3-223
长久不腐败。在举行八大教授等大修法灌顶时，邪魔侦察者瞬间被摧毁无缘，成就物品亲自显现持来，能如手掌上放置香料一般清晰见到无遮三世，所有授记即刻实现。
特别是他精勤于无相圆满次第，获得红白明点自在智慧身的征兆：原本白色的头发、胡须、眉毛全变回黑色；牙齿原先如珍珠颜色且数量齐全又重新生长；小便如融化的红花花蕊流出，黄蜂嗡嗡聚集；大便如箭毒木球，心材大小，每次仅排出一次；卧室常充满超越火香的芳香；所住之处经常降下天界花雨，这些现象众人皆能亲眼目睹。
功德因缘虽齐全，若不以禅修水灌注，从此心意之大地，
3-224
菩提幼芽不生长。如是思维云串，以禅定鹅步伐，通达成就穿山，峰顶境界而成就。
之后，与五明大班智达扎西南杰和证得成就自在上师圣者幻化舞者两位，以及人王丹增诺布和措杰多杰兄妹王妃[等人会面]。


 །བློན་འབངས་དང་བཅས་པ་ཐམས་ཅད་ཀྱིས་བླ་མར་བཟུང་ནས། བླ་མ་རིན་པོ་ཆེ་ཞེས་གྲགས་ཤིང་སྐལ་བ་དང་ལྡན་པ་རྣམས་རྗེས་སུ་འཛིན་པར་མཛད་པས་སྐྱེ་དགུ་ཐམས་ཅད་ཀྱི་ཕྱག་དང་མཆོད་པའི་ཡུལ་གཅིག་པུར་གྱུར་ཅིང་། བདག་ལ་ཡང་མཆོག་གི་བླ་མ་དམ་པ་འདིའི་ཞལ་སྔ་ནས་དཔལ་དུས་ཀྱི་འཁོར་ལོ་ལ་སོགས་པའི་གསང་སྔགས་གསར་རྙིང་གི་དཀྱིལ་འཁོར་ཆེན་པོ་དུ་མར་འཛུག་པ་དང་། ཤིན་ཏུ་ཟབ་པའི་མན་ངག་མང་དུ་སྩལ་བ་དང་། ཆོས་སྐྱོང་བའི་བསྲུང་མ་བཀའ་བབས་སུ་གཏད་པས། བཀའ་དྲིན་ལན་བླ་ན་དུ་མེད་པ་ཐོབ་པ་ཡིན་ནོ། །གང་ཐུགས་ཞི་བའི་ཆུ་སྐྱེས་འཕྲེང་། ཡོན་ཏན་དྲི་བཟང་འཛིན་པ་ལ། ངོ་མཚར་རྣམ་ཐར་རྐང་དྲུག་པ། རྣམ་པར་ཙན་པ་སུ་ཡིས་ལྷོགས། ཚུལ་དེས་ཕྱོགས་ཀྱི་བུ་མོ་ཡི། རྣ་བའི་བཅུད་ལེན་མཛད་པའི་མང་། དམར་བའི་ཞབས་སེན་ནོར་བུའི་འོད། 
3-225
ཆེན་པོའི་ཟུར་ཕུད་དག་དང་འགྲོགས། གཞན་ཡང་ཡི་དམ་གྱི་ལྷ་གང་དང་གང་བསྐྱེད་པར་མཛད་པ་དེ་དང་དེའི་སྐུ་མདོག་གི་ཆ་ཤས་སུ་འགྱུར་བར་སོ་སོ་སྐྱེ་བོ་ཐ་མལ་པས་ཀྱང་རྗེན་ཆེར་ཤེས་ཤིང་འགའ་ཞིག་གིས་ལྷ་དེ་ཉིད་ཇི་ལྟ་བར་མཐོར་བ་ཡང་བྱུང་། དགོན་གནས་དེར་དང་པོ་ཆུ་ཆུང་ངུ་ལས་མེད་པ། ཐུགས་གཏད་པས་འབབ་ཆུ་ཤིན་ཏུ་ཆེ་བ་གྱུར་པ་དང་། གཟིམས་ཁང་གི་འཁྲིས་ཀྱི་ཤུག་པའི་རྩེ་མོ་ཐོག་སོ་གཅིག་ཡན་ཆད་བསྐམ་པོ་ཤ་བའི་རྭ་རྩེ་ལྟ་བུའི་མདོག་ཏུ་སྣང་བ་མི་མཛེས་སོ་གསུང་ནས་ཕྱག་གིས་བུམ་ཆུའི་ཐོར་བས་ཡལ་འདབ་ཕུན་སུམ་ཚོགས་པ་རྨ་བྱའི་མགྲིན་པའི་སྤུ་ལྟ་བུ་སླར་སྐྱེས་པ་དང་། སྐྱེ་བོ་ས་ནད་དང་སྟེང་གདོན་གྱིས་ཟིན་པ་རྣམ་འཇོམས་ཀྱི་བྱ་བ་ཁྲུས་མཛད་པས་ནད་ལ་གྲོལ་བ་དང་། སྨྱོ་འབོག་ཅན་ཕྱག་གིས་རེག་པས་སོས་པ་དང་། གདོན་གྱིས་གནོད་པ་སྤྱིན་གྱིས་གཟིགས་པ་ཙམ་དང་། གཞན་དུ་མཚན་རྣ་བར་བསྒྲགས་པས་སེལ་བར་ནུས་པ་དང་། བདུད་རྩི་སྨན་གྱི་སྒྲུབ་པ་མཛད་པ་ན་ལུང་པ་སྨན་གྱི་དྲིས་གང་བ་ལ་སོགས་པ་ངོ་མཚར་བའི་གཏམ་ཅིང་ཡང་མངའ་བས་མཐུ་སྟོབས་ཞབས་ཞེས་ལྷ་དང་བཅས་པའི་འཇིག་རྟེན་རྣམས་ཀྱིས་བསྟོད་པར་བྱས་སོ། །དེ་ལྟར་མི་ཡུལ་དུ་དགུང་ལོ་བདུན་ཅུ་ལྷག་ཙམ་གྱིས་འགྲོ་བའི་དོན་མཛད་ཅེས་སྨྲ་བ་ནི་རྗེ་བཙུན་འདི་དགུང་ལོ་གསང་བར་སྣང་བས། 
3-226
དེའི་དབང་དུ་བྱས་པ་ཡིན་ལ། ཁོ་བོས་གསུང་གིས་ཟུར་ལས་དགུ་བཅུ་རྩ་ལྔའི་བར་དུ་བཞུགས་པར་རིག་ཅིང་། དེ་ནས་ལྕང་ལོ་ཅན་དུ་དཔའ་བོ་དང་དཔའ་མོ་ནམ་མཁའ་གང་བས་བསུས་ཏེ་གཤེགས་སོ། །སྐུ་གདུད་ནི་རིམ་པའི་གྱིས་བྲིས་པ་ཡི། ངོ་མཚར་གཟུགས་བརྙན་སུབས་མ་གྱུར། ད་ཚེ་ཕྱི་མའི་མཚོར་གནས་པའི། །འདྲེན་བྱེད་དུར་བའི་འཕྲེང་བ་རྣམས། མི་བཟད་སྡུག་བསྔལ་རྙིས་ཟིན་ནས། དྲན་པ་མེད་པར་བརྒྱལ་བའི་ཚེ། གང་ལ་དད་པའི་ཙན་དན་གྱི། ཕྱེ་མར་འཐུལ་བས་སེམས་རྙེད་བསམ། རྣམ་ཐར་མཱ་ལ་ཡའི་རི་བོ། །དྲི་བཟང་གཞན་ལ་འཐོར་འདི་སྦྱར། ཞེས་རྗེ་བཙུན་མཐུ་སྟོབས་ཞབས་ཀྱི་རྣམ་པར་ཐར་པ། ཡུལ་ལྷོ་ཕྱོགས་ཀྱི་ལྗོངས་ན་ཀུན་ལ་མཐུན་སྣང་དུ་གྲུབ་པ་རྣམས་གཅིག་ཏུ་བསྡུས་པ་ངོ་མཚར་གྱི་རྨ་བྱ་རྣམ་པར་རྩེ་བཞེས་བྱ་བ། གང་གི་སློབ་མ་དམ་དཀར་པོས་རང་གཞན་གྱི་མོས་པའི་གསོས་སུ་སྦྱར་བའོ།། །།སརྦ་མངྒ་ལཾ། ཆོས་སྦྱིན་རྒྱ་ཆེར་སྤེལ་བའི་ཆོད། པར་བཞེངས་གླེགས་བུ་རེ་རེ་ལ། དངུལ་ཀྲང་ཡོན་འགྱེད་མཛད་པོ་ནི། །ཆོས་རྒྱལ་བསོད་ནམས་རྒྱལ་མཚན་ནོ།

3-225
所有大臣百姓皆尊他为上师，被称为"珍贵上师"，摄受具缘者，成为一切众生顶礼供养的唯一对境。对我而言，也从这位殊胜圣上师面前，获得进入时轮等新旧密续众多大坛城，赐予许多极深口诀，并授记护法守护者，因此获得无上恩德。
何人心意如寂静莲花串，持有功德芬芳香，神奇传记六足蜂，如何能够尽歌颂。以此方式向方位少女，耳中甘露所作名，红色足甲宝石光，大师顶髻诸伴随。
此外，无论修持何种本尊，他的肤色都会转变为该本尊的颜色部分，即使是普通凡夫也能清楚看见，有些人甚至如实见到那些本尊。在那座寺院，最初只有少量水源，他专注加持后变成极大的流水。寺院旁边的柏树顶部三十一尺以上枯萎，呈现如鹿角尖般的颜色，他说"不美观"，用手洒净瓶水后，枝叶再次茂盛生长，如孔雀颈部羽毛般美丽。
被地病和上方鬼神所害的人，通过金刚摧破（尊名）的沐浴仪式而解除病苦；精神错乱者被他的手触摸后痊愈；被鬼神所害者仅被他眼睛看一眼，或在他处听到他的名字就能驱除；他修持甘露药时，整个山谷充满药香等许多神奇事迹，因此被人天世界尊称为"神力足尊者"。
如此在人间度过七十余岁利益众生之说法，是因为尊者显现隐藏年龄，
3-226
而依我从言谈中了解，他实际住世直至九十五岁。之后，在柳树处被充满虚空的空行勇父勇母迎请而逝。
身躯灰烬随逝已，神奇影像踪影灭。今生后世海中住，引导船夫罗盘众，难忍痛苦所侵袭，无有意识昏迷时，对其信心旃檀香，研磨粉末心能苏。传记马拉雅山峰，芳香撒向他人处。
此《尊者图多扎之传记》，南方地区众人共同所见之事迹汇集一处，名为《神奇孔雀之游戏》，由其弟子丹嘎波为自他信仰滋养而著。
一切吉祥！为广传法布施，每印制一册书，施银两元者，乃法王索南坚赞。


། །།


目录
རྗེ་བཙུན་མཐུ་སྟོབས་ཞབས་ཀྱི་རྣམ་པར་ཐར་པ་ངོ་མཚར་གྱི་རྨ་བྱ་རྣམ་པར་རྩེ་བ་ཞེས་བྱ་བ།

目录
《尊者图多扎之传记：称为神奇孔雀之游戏》
;


